إعـــــــلان

**نعفش** · 12/10/2015, 12:21 PM

رد: وبعدين مع الحملات المروريه بكفي عاد !!

يعني بختصار احنا حل لازمات حكومة حماس ؟

كل ما تقرب القبضه بنزلو تمزيع فينا ؟

اي هاتولي شغلانة بالف شيكل وخدو السيارة كملو اقصاطها وحلال عليكم

هوووووف

**غ ــزآوي** · 12/10/2015, 12:30 PM

رد: وبعدين مع الحملات المروريه بكفي عاد !!

بعين الله يكبير
محسوبك ترخيص سيارتو منتهي من 3 سنين
وماشي بدعوات الحجة
السيارة ملاكي مش عمومي .,

**الاقصى والقسام** · 12/10/2015, 12:49 PM

رد: وبعدين مع الحملات المروريه بكفي عاد !!

استغفر ربك يا رجل شو بتقول انتا
هاى عادات وتقاليد ما بينفع نحكى فيها

**salah_5999** · 12/10/2015, 12:49 PM

رد: وبعدين مع الحملات المروريه بكفي عاد !!

غزة ام العجايب
قد ما بدخلها محروقات بتظل الازمة قائمة
قد ما بدخلها فلوس ووقود للكهرب ما بتتحسن الكهرب
قد ما الحكومة بتحط ضرائب برضه رواتب الموظفين ما بتتحسن
قد ما بعملوا حملات جباية مرورية و عالبناء برضه ما بتتحسن الرواتب
بت ارى غزة ليست الصندوق الاسود
بل الثقب الاسود
وان جاز
مثلث برمودا الشرق اوسطي .

**نعفش** · 12/10/2015, 01:21 PM

رد: وبعدين مع الحملات المروريه بكفي عاد !!

الي بكيدك انو سيارات الاسعاف بتنقل المصابين

والحملات شغاله ههههههه

**ترانيم المجد** · 15/10/2015, 03:55 PM

رد: وبعدين مع الحملات المروريه بكفي عاد !!

مع مع الحملات المرورية
الحملات المروريه مش شفط مصاري مثل ما الكل معتقد
حملات المروريه هي فقط توعية للناس الجهلة للى ماخدين السواقه عباطه فى عباطة
انا ان شاء الله قريب ساحول على شرطة المرور ..

**سهم الصواب** · 16/10/2015, 09:59 AM

رد: وبعدين مع الحملات المروريه بكفي عاد !!

المشاركة الأصلية بواسطة صانع المجد مشاهدة المشاركة

مع مع الحملات المرورية
الحملات المروريه مش شفط مصاري مثل ما الكل معتقد
حملات المروريه هي فقط توعية للناس الجهلة للى ماخدين السواقه عباطه فى عباطة
انا ان شاء الله قريب ساحول على شرطة المرور ..

ماخدين السواقه عباطه فى عباطة !!!

آلاف الأسر تعتاش من وراء هذه المهنة يا سيد ...

دعوة لكل سائق يدخل ويشاهد هذا التعليق التافه
ويدعوا على صاحبه
بأن لا يرفع الله عنه محنة وضيقة

حسبنا الله ونعم الوكيل

**ام خالد23ahash** · 16/10/2015, 07:05 PM

رد: وبعدين مع الحملات المروريه بكفي عاد !!

شو طبيعه الحملات المروريه ؟!

ماهو ازا مخالف لازم تتخالف

**ام خالد23ahash** · 17/10/2015, 11:20 AM

رد: وبعدين مع الحملات المروريه بكفي عاد !!

المشاركة الأصلية بواسطة نعفش

طبيعتها انو البلد ميته والسواقين دوبهم قادرين ياكلو فبلاش يدقو كتير ع الترخيص
او ع الاقل يرخصوه مش يغلوه زي ما صار بالبنزين

وبالنسبه للمخالفات فهي للتنبيه
مش زي ما بيعملو مصايده وظلم
قبل ما اجي ع غزة مريت ع كتير دول
عمري ما شفت شرطي مرور ماسك دفتر مخالفات
الا عنا بغزة ومعاهم اوامر عبي الدفتر طبعا باي وسيله كانت
يعني لجمع المال فقط

غلطان انا متلك لفيت شوفت شرطي المرور هيبته بالدفتر ولسا عنا بيجي يحكيلك عليك مخالفه في دول ما بتشوف الا الجوال بتصله رساله مخالفه مرور على عدم ربط حزام الامان ولا مخالفه التدخين ولا مخالفه الحكي بالجوال ولا مخالفه رمي زباله من الشباك
وفي دول الي عليه يحط لزقه على سيارتك انها مخالفه عشان نازل من السيارة و تاركها شغاله
وفي دول ازا سيارتك المدخنه بطلع نونه سواد بيسكروا على عجل السيارة وع الصيانه وما بتطلع ع الشارع الا وهي اوك اجباري تصليحها
واغلب الدول ماشيه على نظام لنقط ازا تعديتها بيسحبوا منك الرخصه

في النهايه الي معه يشتري سيارة يتحمل تكاليفها وترخصيها وما يخالف

**أبو الزلوف** · 18/10/2015, 09:30 AM

رد: وبعدين مع الحملات المروريه بكفي عاد !!

ايش حكاية فرض رسوم 1000 شيكل على ترخيص السيارات اللى فايعة في البلد ؟؟وهل بدا فعلا تنفيذ هذا القرار؟؟؟؟

**وعد وقسم** · 18/10/2015, 10:11 AM

رد: وبعدين مع الحملات المروريه بكفي عاد !!

غريب أمر شعبنا
كنت راكب بسيارة و كان بها شاب عندما رأى شرطي المرور بدأ بالشتم واللطم , سأله السائق شو مشكلتك شو عملو فيك ؟
ردد هذا الشاب بأنهم خالفوني وانا اسوق الفزبه وسحبوا فزبتي
رد عليه السائق: ليش؟؟
الشاب : لأني قطعت الرمزون الاحمر .
استغرب السائق : بالله قطعته وبدك ما تتخالف؟ قال الشاب : لا
الامر الاكبر لما نزل من السيارة بدأ يشتم فينا ويتحسبن علينا

نموذج من نماذج شعبنا كصاحب الموضوع

**عاشق القـدس** · 18/10/2015, 10:16 AM

رد: وبعدين مع الحملات المروريه بكفي عاد !!

عادي عادي ... (:

**salah_5999** · 18/10/2015, 10:59 AM

رد: وبعدين مع الحملات المروريه بكفي عاد !!

المشاركة الأصلية بواسطة وعد وقسم مشاهدة المشاركة

غريب أمر شعبنا
كنت راكب بسيارة و كان بها شاب عندما رأى شرطي المرور بدأ بالشتم واللطم , سأله السائق شو مشكلتك شو عملو فيك ؟
ردد هذا الشاب بأنهم خالفوني وانا اسوق الفزبه وسحبوا فزبتي
رد عليه السائق: ليش؟؟
الشاب : لأني قطعت الرمزون الاحمر .
استغرب السائق : بالله قطعته وبدك ما تتخالف؟ قال الشاب : لا
الامر الاكبر لما نزل من السيارة بدأ يشتم فينا ويتحسبن علينا

نموذج من نماذج شعبنا كصاحب الموضوع

هذا لازم تنسحب رخصته لفترة معينة غير المخالفة
بس انتا يخو فاهم كويس انه انتقاد الحملات مش عشان هالشكل هاد .

**وعد وقسم** · 18/10/2015, 11:19 AM

رد: وبعدين مع الحملات المروريه بكفي عاد !!

المشاركة الأصلية بواسطة salah_5999 مشاهدة المشاركة

هذا لازم تنسحب رخصته لفترة معينة غير المخالفة
بس انتا يخو فاهم كويس انه انتقاد الحملات مش عشان هالشكل هاد .

حجي
ليس الامر دفاعا
أنا سافرت بالخارج وشف كيف السائقين, الاخ اللي بقولك معاه شهادة أو اثنتين أنا شفت ناس بالخارج ما معاها ولا شهاده ولكن في الانضباط نموذج
رجل مخابرات اردني سألني شو أكثر شيء أعجبك بالاردن ؟ قلت له الانضباط والالتزام.
سيدي
كنت في طريق خارج عمان والساعة 12 ليلا وطريق لا أحد ولا بشر ولا شيء , الرمزون كان أحمر , فتوقف الاخ السائق , قلت له امشي فش حاد شايف , قال : حتى لو فش حد القانون قانون
يا عيني لو شاف غزة

ما نريده فعلا جميعا هي نشر ثقافة الاحترام و الانضباط والالتزام في حياتنا من الرئيس حتى الغفير .

أخي العزيز:
يوم الجمعة ذهبنا لدفن حاجة رحمها الله, الكل على رأس القبر واقف بعطي أوامر لمن يدفن, وعندما طلبوا طينه , يا عيني الكل بطلب من الكل ,

أخي : كل الشعب قيادات, كل الشعب رؤوس, كل الشعب خبراء في كل شيء , يا راجل خبراء بالنساء والولادة حتى الحاسوب والسيارات و المعاملات الاقتصادية والتحليلات السياسية والفقه المقارن

ممكن أكون طلعت عن الموضوع , لكن خليني أطلع شوي من اللي في بطني قصدي قلبي,

سامحني إذا أزعجتك

**نعفش** · 18/10/2015, 11:59 AM

رد: وبعدين مع الحملات المروريه بكفي عاد !!

المشاركة الأصلية بواسطة ام خالد23ahash مشاهدة المشاركة

غلطان انا متلك لفيت شوفت شرطي المرور هيبته بالدفتر ولسا عنا بيجي يحكيلك عليك مخالفه في دول ما بتشوف الا الجوال بتصله رساله مخالفه مرور على عدم ربط حزام الامان ولا مخالفه التدخين ولا مخالفه الحكي بالجوال ولا مخالفه رمي زباله من الشباك
وفي دول الي عليه يحط لزقه على سيارتك انها مخالفه عشان نازل من السيارة و تاركها شغاله
وفي دول ازا سيارتك المدخنه بطلع نونه سواد بيسكروا على عجل السيارة وع الصيانه وما بتطلع ع الشارع الا وهي اوك اجباري تصليحها
واغلب الدول ماشيه على نظام لنقط ازا تعديتها بيسحبوا منك الرخصه

في النهايه الي معه يشتري سيارة يتحمل تكاليفها وترخصيها وما يخالف

آآآه
شوف انا ما بحب الي بيجي يقارنا بدول ثانية من ناحية ويسيب باقي الجوانب
احنا ما عنا الثقافة اللازمة عشان تحكي مقارنات بهييك شغلات
لانو السواقين برا الهم احترامهم وهيا شغلانة ثانوية
مش زي عنا الشغلانة رقم واحدللعاطلين لانو البدائل شحيحة
انا مش ضد كل الي بتحكيه هاد يا ريت نطور ويسير عنا هيك
لانو انا بحكي عن اشي وانت بتحكي عن اشي تاني
انا بحكي ع الظلم في المخالفات بدون اسباب
وعشانك مش عارف اشي ...

ولما بحكي عن الترخيص روح اسأل اسعار الترخيص
في العالم كلو رح تعرف انو ترخيص غزة اغلاهن .؟
في ظل انو غزة وضعها الاقتصادي صفر

**نعفش** · 18/10/2015, 12:10 PM

رد: وبعدين مع الحملات المروريه بكفي عاد !!

المشاركة الأصلية بواسطة وعد وقسم مشاهدة المشاركة

غريب أمر شعبنا
كنت راكب بسيارة و كان بها شاب عندما رأى شرطي المرور بدأ بالشتم واللطم , سأله السائق شو مشكلتك شو عملو فيك ؟
ردد هذا الشاب بأنهم خالفوني وانا اسوق الفزبه وسحبوا فزبتي
رد عليه السائق: ليش؟؟
الشاب : لأني قطعت الرمزون الاحمر .
استغرب السائق : بالله قطعته وبدك ما تتخالف؟ قال الشاب : لا
الامر الاكبر لما نزل من السيارة بدأ يشتم فينا ويتحسبن علينا

نموذج من نماذج شعبنا كصاحب الموضوع

بدي احكيلك شغله بما انك بتحكي كصاحب الموضوع

انا الحمد لله عمري ما اتخالفت لاني ماشي 200% صح
عشان الي بتصايدو ما يقدرو يكلموني
بس بيوم بنص ساعه اتوقفت ثلالث مرات بيسألوا عن الترخيص
خلينا بالثالثه
كنت ماشي عند كراج رفح بخانيونس
وفي سيارة وقفت قدامي
وانا وقفت ورها مشيت وانا مشيت قدامها
ما بشوف غير الظابط بوقفني وراقك
قلتلو ليش قالي هات وراقك وتحكيش
اعطيتو الوراق بقول للعسكري اكتبلو مخالفة الوقوف بالممنوع
بقلو ليش هوي انا وقفت بالممنوع بقلي اه بقلو وين وقفت بقلي هان قلتلو
السيارة الي قدامي وقفت
اطير من فوقها
وتنح لولا ابن حلال والله ما بعرفو
صار يجادل بالضابط وقالو انا واقف هان والزلمة ما وقف بالمرة
وصار يتحايل فيه لحد ما رمالي الورق وراح
ظلم هاد ولا مش ظلم ؟
اقلك خرريف تانيه ؟
تقعدوش تمجدو الحملات ظالمة والغرض منها جمع الاموال

مش مصلحة العمل المروري

والشرطة زي هيك عينات كتير
زي العينه الي برد عليها هلقيت

**وعد وقسم** · 18/10/2015, 12:20 PM

رد: وبعدين مع الحملات المروريه بكفي عاد !!

المشاركة الأصلية بواسطة نعفش مشاهدة المشاركة

بدي احكيلك شغله بما انك بتحكي كصاحب الموضوع

انا الحمد لله عمري ما اتخالفت لاني ماشي 200% صح
عشان الي بتصايدو ما يقدرو يكلموني
بس بيوم بنص ساعه اتوقفت ثلالث مرات بيسألوا عن الترخيص
خلينا بالثالثه
كنت ماشي عند كراج رفح بخانيونس
وفي سيارة وقفت قدامي
وانا وقفت ورها مشيت وانا مشيت قدامها
ما بشوف غير الظابط بوقفني وراقك
قلتلو ليش قالي هات وراقك وتحكيش
اعطيتو الوراق بقول للعسكري اكتبلو مخالفة الوقوف بالممنوع
بقلو ليش هوي انا وقفت بالممنوع بقلي اه بقلو وين وقفت بقلي هان قلتلو
السيارة الي قدامي وقفت
اطير من فوقها
وتنح لولا ابن حلال والله ما بعرفو
صار يجادل بالضابط وقالو انا واقف هان والزلمة ما وقف بالمرة
وصار يتحايل فيه لحد ما رمالي الورق وراح
ظلم هاد ولا مش ظلم ؟
اقلك خرريف تانيه ؟
تقعدوش تمجدو الحملات ظالمة والغرض منها جمع الاموال

مش مصلحة العمل المروري

والشرطة زي هيك عينات كتير
زي العينه الي برد عليها هلقيت

هذا ظلم
صارت مع سيارة كنت راكبها
لكني لم اسكت وابلغت عن ذلك الشرطي وتم مراجعته
وهناك كثير من الحالات يتم اعادة الحق لأصحابها
يعني أيضا في عدل
المهم يكون الامر مبني على الاحترام, لأن صاحب السيارة كان محترم وأخذ حقه بالقانون من ذلك الشرطي

**ام خالد23ahash** · 18/10/2015, 07:18 PM

رد: وبعدين مع الحملات المروريه بكفي عاد !!

المشاركة الأصلية بواسطة نعفش مشاهدة المشاركة

آآآه
شوف انا ما بحب الي بيجي يقارنا بدول ثانية من ناحية ويسيب باقي الجوانب
احنا ما عنا الثقافة اللازمة عشان تحكي مقارنات بهييك شغلات
لانو السواقين برا الهم احترامهم وهيا شغلانة ثانوية
مش زي عنا الشغلانة رقم واحدللعاطلين لانو البدائل شحيحة
انا مش ضد كل الي بتحكيه هاد يا ريت نطور ويسير عنا هيك
لانو انا بحكي عن اشي وانت بتحكي عن اشي تاني
انا بحكي ع الظلم في المخالفات بدون اسباب
وعشانك مش عارف اشي ...

ولما بحكي عن الترخيص روح اسأل اسعار الترخيص
في العالم كلو رح تعرف انو ترخيص غزة اغلاهن .؟
في ظل انو غزة وضعها الاقتصادي صفر

اخي انت الي بتحكي برى ارخص وبرى احسن وبرى الخ

الي بعيش برى بيعرف مش هيكون الترخيص أقل من 150 دولار مش أقل على مستلزمات ثانيه اساسيه

مش دفاعا عن الي في بلدنا بس السواقين ماخدين السواقه سبهلله والي بلاش الله يكتر منه

**نعفش** · 18/10/2015, 08:34 PM

رد: وبعدين مع الحملات المروريه بكفي عاد !!

المشاركة الأصلية بواسطة ام خالد23ahash مشاهدة المشاركة

اخي انت الي بتحكي برى ارخص وبرى احسن وبرى الخ

الي بعيش برى بيعرف مش هيكون الترخيص أقل من 150 دولار مش أقل على مستلزمات ثانيه اساسيه

مش دفاعا عن الي في بلدنا بس السواقين ماخدين السواقه سبهلله والي بلاش الله يكتر منه

يا حبيبي انا بدفع ترخيص 2100 شيكل ترخيص فقط غير كرت السير وصلاحية السير
ايش جاب ل 150$ ؟

**نعفش** · 18/10/2015, 08:42 PM

رد: وبعدين مع الحملات المروريه بكفي عاد !!

المشاركة الأصلية بواسطة وعد وقسم مشاهدة المشاركة

هذا ظلم
صارت مع سيارة كنت راكبها
لكني لم اسكت وابلغت عن ذلك الشرطي وتم مراجعته
وهناك كثير من الحالات يتم اعادة الحق لأصحابها
يعني أيضا في عدل
المهم يكون الامر مبني على الاحترام, لأن صاحب السيارة كان محترم وأخذ حقه بالقانون من ذلك الشرطي

كلامك مش سليم 100%
لانو اخويا بسيارتي اتخالف ظلم

اقلك قبل بيوم من المخالفه انسحب الورق منو لانو الترخيص مخلص الو تلت تيام
تاني يوم الشرطي نفسو خالفو عرقلة سير ليش قال عشان خالف السيارة الي قدامو بدوش يكون ظالم احيه
واخد منو ورقة السحب مع انها سارية المفعول
رحت اتوجهت للضابط المسؤول بقلي خلص انكتبت وراحت ع المكتب الفني
رحت لمدير المرور بخانيونس قال شو قدم شكوى وراحت بكيسي
يعني ظلم وكمان ما طبق القانون الي هوي سحب ورقة سحب سارية المفعول ولما شكيت ما انصفت

عرفت عن شو بحكي

**ترانيم المجد** · 19/10/2015, 02:48 AM

رد: وبعدين مع الحملات المروريه بكفي عاد !!

يا نعفش انتا ايش قضيتك بالضبط انا بحلها اليك كيف اتواصل معك

**rafah 32** · 19/10/2015, 10:12 AM

رد: وبعدين مع الحملات المروريه بكفي عاد !!

برأيي وزارة الواصلات لازم تعمل تخفيض على رسوم الترخيص يصل الى 60% او اكثر حتى بسبب الظروف الحالية للمواطنين

اما المخالفات المرورية مثل : قطع اشارة المرور او السرعة الزائدة او السير في اتجاه معاكس هاي المخالفات يفترض فش فيها تهاون بتاتا بالعكس لازم تكون المخالفة مغلظة كمان

يعني شو دخل الحصار والبطالة بأنك تقطع اشارة مرور او تمشي معاكس او غيره من المخالفات المرورية !!!!

العتب على الحكومة في اسعار التراخيص المرتفعة جدا .. لكن ضبط الحالة المرورية ما حدا بيقدر يلومهم .. وما حدا جابرك يا سواق تمشي معاكس او تقف في نص الشارع او تقطع اشارة مروية

كمان لازم يتم وضع مخالفات مرورية علي بيحكي جوال ومش حاطط حزام الامان و المدخنين في السيارات العمومية !!!

**نعفش** · 19/10/2015, 11:48 AM

رد: وبعدين مع الحملات المروريه بكفي عاد !!

المشاركة الأصلية بواسطة صانع المجد مشاهدة المشاركة

يا نعفش انتا ايش قضيتك بالضبط انا بحلها اليك كيف اتواصل معك

ولا قضيه ولا اشي
مش مشكله انا بدفع مخالفة اخويا الظلم
انا صحيح ترخيصي خلص بس بمجرد ما اخلص علاج زوجتي راح ارخص
يخلف عليك يا خيي ما بتقصر

المشاركة الأصلية بواسطة rafah 32 مشاهدة المشاركة

برأيي وزارة الواصلات لازم تعمل تخفيض على رسوم الترخيص يصل الى 60% او اكثر حتى بسبب الظروف الحالية للمواطنين

اما المخالفات المرورية مثل : قطع اشارة المرور او السرعة الزائدة او السير في اتجاه معاكس هاي المخالفات يفترض فش فيها تهاون بتاتا بالعكس لازم تكون المخالفة مغلظة كمان

يعني شو دخل الحصار والبطالة بأنك تقطع اشارة مرور او تمشي معاكس او غيره من المخالفات المرورية !!!!

العتب على الحكومة في اسعار التراخيص المرتفعة جدا .. لكن ضبط الحالة المرورية ما حدا بيقدر يلومهم .. وما حدا جابرك يا سواق تمشي معاكس او تقف في نص الشارع او تقطع اشارة مروية

كمان لازم يتم وضع مخالفات مرورية علي بيحكي جوال ومش حاطط حزام الامان و المدخنين في السيارات العمومية !!!

وهاد الكلام الي بقصدو بالزبط
يعطيك العافيه