السلام عليكم ورحمة الله وبركاته، أهلاً بكم في شبكة فلسطين للحوار ...
في حال كانت زيارتكم الأولى ننصح زيارة قسم المساعدة للتعرف على شروط الانتساب في شبكة فلسطين للحوار.
أما في حال رغبتكم المشاركة، فينبغي عليك الانتساب أولًا.
قالولي بتحب مصر فقلت مش عارف
لا جيتها سايح ولاني أعمي مش شايف
بلد علمها انمزع والرفّا في المساجين
ومهر مربوط في كارو وباله في البساتين
وابو زيد سلامة على كرسي وكيس جلوكوز
لجنة مشايخ تناقش فتوة الأراجوز سؤال نعيش أو نموت، فيه لا يجوز ويجوز
لو السقوف خايخة نسندها بحجارة وطوب
لكن ده لوح القزاز كله ضرب تشريخ
لو الولد حرف في الآية، ها يبقى يتوب بس المصيبة إذا الآية اخترعها الشيخ
يا مصر كومة حروف إبر المعاني فين
إبر بتجرح إيدينا قبل ما بتبان نسرك في بال السما بيقول حدودها منين نسرك بياكله الصدا في بدلة السجان
يا قلعة السجن يا قلعة صلاح الدين
أنا بقولك وأهلي ع الكلام شاهدين
لو كنت حرة ما كناش نبقى محتلين
والناس شكاير صريخ رابطين عليها سكوت
آهات سَكوتَة كإن الأرض مستشفى مطرودة منها الدكاترة ف سجن أو منفى
والناس بتسأل هنصبر والا نتوفى
فيه ناس تقول زي بعضه دول نوعين م الصبر
وناس تقول زي بعضه دول نوعين م الموت يا مصر بعض التسامح يبقى عار وبأجر
إفتكري "لا تحسبّن" مكتوبة فوق كام قبر
والتار يبات يصحى تاني لو يشيب الدهر
والتار حصان غير لصاحبه ما يلين ضهر والتار تار العرب وعشان كده تار مصر
قالولي بتحب مصر فقلت مش عارف
لا جيتها سايح ولاني أعمى مش شايف
ولاني هايف اردّ بخفّة وبسرعة
وكل من رد يا كذاب يا هايف
أصل المحبة بسيطة ومصر تركيبة ومصر حلوة ومُرَّة وشِرْحة وكئيبة
دا نا اختصر منصب الشمس وأقول شمعة
ولا اختصر مصر وانده مصر يا حبيبة
الله الله عليك يا تميم
والله مصر تتحب يا إخوان
الله يحفظ أهلها ويرعاهم ويرضى عنهم أجمعين
والدي تعجب من رغبتي بكتابة أحداث الحرب بعينيه كجندي شارك فيها ..، وقال " انتي فاكره نفسك بنت مين انا واحد من الآف اللي استشهد واللي خرج بأطراف صناعية واللي عملته كان واجبي معملتوش عشان حد يحكي عنه ويصقفلي "!!
لم أستغرب من موقفه فشهادة التقدير التي منحها له أركان الحرب بديلا عن وسام نجمة سيناء الذي تنازل عن الترشح له عثرت عليها- أقسم بالله - بالصدفة البحتة منذ سنوات مطوية ضمن وريقات قديمة..،، لم يضعها في برواز ولم يبرزها في وجه كل من يراه كما أفعل أنا معه
هذا أبي وهكذا علمني حب الوطن ..أن تبذل وتعطي ولا تنتظر الأجر إلا من الله
تعليق