إعـــــــلان

**همسات ايمانية** · 20/07/2008, 07:25 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

وله هو لولاد ع راسهم ريشة

في مجتمعنا نعم على راسه ريشة بتلاقي الولد من الاعدادي معاه جوال لكن البنت لما تخلص توجيهي

أو اذا طارت في أول الثانوية

**القدس اسلامية** · 20/07/2008, 07:28 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

المشاركة الأصلية بواسطة طالبة الجنة_1989

في مجتمعنا نعم على راسه ريشة بتلاقي الولد من الاعدادي معاه جوال لكن البنت لما تخلص توجيهي

أو اذا طارت في أول الثانوية

طيب انا مش مع هذا المجتمع وبعارضه كمان
شو رايك

**همسات ايمانية** · 20/07/2008, 07:36 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

أكيد بأعارضه لكن مش معاضرلاة مشان البنت تحمل الجوال من الاعدادي لالا لكن مشان الولد والبنت لازم لما يوعوا للجوالات يستخدموهم

**حــمـــ } بنت { ــــاس** · 20/07/2008, 07:37 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

المشاركة الأصلية بواسطة بنت قلقيلية1980

اختي الكريمه

همسة

هل ستأخدين الجوال معك للمدرسه

طبعاااااااااااااااا

لألألألألألألألألألألألألألألألألألألألألألألألألأ لألألأ

**حــمـــ } بنت { ــــاس** · 20/07/2008, 07:41 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

المشاركة الأصلية بواسطة *سراب*

حبيبتي همسة

انا ما باحكي هادا الكلام من فراغ

لكن انا كتير سمعت قصص

قصص بتستغربي انها تطلع من بنات اعمارهم اقل من 17

وبعدين لشو الجوال

اذا فيه تيليفون بالبيت ما فيه داعي منه

وبعدين والله التيليفون احسن بكتييييييير

على الاقل بتاخدي راحتك وانت بتحكي

وبعدين احكيلي شو راح يفيدك الجوال بالمدرسة

ما انت درست اعدادي وايتدائي بدونه شو صارلك

ولا شي، صح؟

حبيبتي سراب اولا انا رح اجيب الجوال وما رح اخدو على المتيسة طبعاا
كمان بالتأكيد التلفون احسن لأنه ما بتدفعي شي انت وما بتحسي بقيمة اللي بتحكي فيه
لأنه مثلا احيانا بقعد اكثر من ربع ساعة وانا بحكي
والجوال رح اجيبو على شان ارن لصاحباتي اللي ما عندهمتلفون
وكمان اصور اشياءات وانزل اناشيد
خااااصة هاد بلزم لما اطلع ع زيارة السجن لأني بطقققققق

**أحباب الله** · 20/07/2008, 07:41 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

هو انتو لسه ما انتهيتو من هالموضوع؟؟

شكلكم ما شفتو ردودي

يا عمي حكتلكم المحترم طول عمره محترم

وكل واحد وتربايته في استعمال الجوال
نفس الشي في استعمال التلفزيون نفس الشي في استعمال النت

**لاجئة من يافا** · 20/07/2008, 07:41 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

السلام عليكم
اسمحيلى اختى اشارك بموضوعك
بصراحة مش مستحب لبنت المدرسة خالص
انه يكون معها جوال
وكان عنا بمدارس المحافظة ممنوع
اى طالبة معها جوال على طول بيجيبوا ولى الامر
وبعرفوا هو منهم ولا مو منهم وبعلمهم
اما بالنسبة لبنت الجامعة بنظرى انا مهم
وانا لمن خلصت توجيهى اشتريت جوال منى
والشريحة من زوج اختى هدية النجاح
والحمد لله اهلى واثقين فينى
وكل ما يرن رقم غريب ع طول بعطى الجوال
لاخواتى بردوا عليه هم وبعرفوا مين هم
اما بالنسبة للكلام فى الشارع هو بصراحة
مش مستحب كمان وممكن يصير تعليقات
من قبل الناس والشباب
والمفروض ما ترد البنت الا للضرورة القصوى
فى الشارع وبس

**حــمـــ } بنت { ــــاس** · 20/07/2008, 07:44 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

المشاركة الأصلية بواسطة عمالقة الجنوب

يا اختي العزيزة

انا مدرس ثانوي

وعنا ممنوع الطلاب يحملوا معهم جوال في المدرسة

وكنا دائما نعمل كبسيات عالطلاب ونفتشهم هم وشنطهم ويا ويله الي بنلاقي معه جوال

يصادر الجوال فورا الي ان ياتي ولي امر الطالب ليستلمه بعد ان يوقع علي تعهد بعدم حمل ابنه لجوال في المدرسة

فما بالكم بالطالبات

ايواا
هاد الصحيح المس سناء بعبع (يعني مديرتي) والله بترعب اللي عمره ما ارتعب
بس في بنات عندهم طرقهم الخاصة بالتخباي واكيد الاخوات بيعرفو كيف البنات بخبو

وفي مرة عملت كبسية وكسرت جوال بنت ما قبلت تطول الجوال

**دموع اليأس** · 20/07/2008, 07:45 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

مساؤكم خير وسعادة
في البداية انا بشوف انو غلط البنت تحمل جوال عالمدرسة لانو مابينفعها خالص بتاخد هالأكم حصة وبترجع علي بيتها بشو بيلزمها ازن؟؟
تانيا مافيها اي شي لما البنت تحكي جوال بالشارع ازا اضطر الأمر يعني جوال رن شو فيها لما ترد عادي جدا
انا شايفة كتير في بنات بالشبكة معقدات الأمور في كل حاجة
واكيد بالنسبة للجوال بشكل عام كل شيء الو ايجابيات وسلبيات
بالاخر بيرجع للشخص نفسو كيفية استخدامو يابالايجاب يابالسلب
وسلامي لالكم

**آلاء القسام** · 20/07/2008, 07:45 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

المشاركة الأصلية بواسطة قسامية خانيونس

اما بالنسبة لبنت الجامعة بنظرى انا مهم

صحيح كلامك
انا كمان اخواتي ما اشتروه الا بعد توجيهي

**حــمـــ } بنت { ــــاس** · 20/07/2008, 07:47 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

هو انتو لسه ما انتهيتو من هالموضوع؟؟

شكلكم ما شفتو ردودي

يا عمي حكتلكم المحترم طول عمره محترم

وكل واحد وتربايته في استعمال الجوال
نفس الشي في استعمال التلفزيون نفس الشي في استعمال النت

ايواا
هادا هو الكلام السليم والصحيح
المحترم محترم وين ما كان ولو تعطي اي شي يحرفو ببقى محترم

**دموع اليأس** · 20/07/2008, 07:48 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

المشاركة الأصلية بواسطة حور الجنة

طيب انا مش مع هذا المجتمع وبعارضه كمان
شو رايك

بتقدري تعملي اشي لتغيري من افكارو وعاداتو وتقاليدو لهالمجتمع؟؟

***سراب*** · 20/07/2008, 07:49 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

المشاركة الأصلية بواسطة همسة قلب

حبيبتي سراب اولا انا رح اجيب الجوال وما رح اخدو على المتيسة طبعاا
كمان بالتأكيد التلفون احسن لأنه ما بتدفعي شي انت وما بتحسي بقيمة اللي بتحكي فيه
لأنه مثلا احيانا بقعد اكثر من ربع ساعة وانا بحكي
والجوال رح اجيبو على شان ارن لصاحباتي اللي ما عندهمتلفون
وكمان اصور اشياءات وانزل اناشيد
خااااصة هاد بلزم لما اطلع ع زيارة السجن لأني بطقققققق

هيك تمام

مع انه راح يشغلك وقتك

ديري بالك ............

**yara.** · 20/07/2008, 07:50 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

المشاركة الأصلية بواسطة أم حمزة 2008

انتم عارفين الناس لو بنت مسكت جوال
افرض رن الجوال بالشارع وردت الناس طبعا راح يحكو عنها انها داشرة
وتعت جوالات طبعا هادا بدوش كلام انتم عارفين الناس وكلامهم
لكن في بنات تعات جخات وفشخرة زي ما قال الاخ قسام 3
بعملن حالهن بكلمن جوال وهما ما بكلمن حد بس هيات ورياء
زي الي شفتهن على البحر خليني ساكتة احسن
وانا حرمت اجيب جوال حتى بالجامعة لما بدي اكلم وحدة من صديقاتي بكلمهم من جوال ماما
او تلفون البيت هيك بكون احسن

أختي الكريمة:
للضرورة البنت ماعليها حرج إذا حضرتها كلمت بالموبايل حتى لو بالشارع (مع إنو مو منظر) لكن والله الوحدة مضطرة أحيانا لذلك وفرضا إنها بالجامعة صارلها شي أو بالشارع أو إنقطعت عنها المواصلات أو صارلها شي؟؟؟
وبعدين إنتي حرة إذا بدك تعرفينا إنك مابدك تجيبي موبايل ما بيهمنا المهم إنا بدنا نوصلك رسالة إنو البنت مهما كان الظرف عندها وكلمت موبايل بالشارع ما مهم وبعدين البنت اللي مابتعمل خطأ ومحترمة بمشيها وبحكيها وبطريقة مسكها للموبايل والتحكم بصوتها وحركاتها ومابتخلي الناس يلاحظوا شي مابيهمها كلام الناس وهيا وقتها بتكون واثقة من نفسها وأهلها واثقين منها وخصوصا بمرحلة الجامعة وبأيامنا هذي لازم كل البنات يتوفرلهم موبايل وبعدين خدي هالنظرية وإحفظيها (اللي بدو يلحق أو يجري ورا كلام الناس مابيعيش)
أنا في الحقيقة حاملة موبايل من وقت ماخطبت لأنو خطيبي بعيد عني

لكني مابكلم بالشارع حتى لو للضرورة إلا إذا بروح لزاوية وماحد يشوفني لأن الشباب تعاليقهم كتيرة ولأنو مو منظر البنت تكلم بالشارع
أما بخصوص البنات بتوع الهيات هذول ناس فاضية وإحنا مو مسؤلين عنهم طالما أهلهم شايفينهم وساكتين وراضيين فهما اللي بيتحملوا ذنب بناتهم وكل حد منا بيعرف شو الصح من الخطأ وبإيده يعمل الصح والخطأ.

**حــمـــ } بنت { ــــاس** · 20/07/2008, 07:51 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

المشاركة الأصلية بواسطة *سراب*

هيك تمام

مع انه راح يشغلك وقتك

ديري بالك ............

الله يرضى عنك
ولا تخافي لا توصي حريص
اصلا بخاف حدا يحكي على رقمي لمن اجيب برتعبو مني
انا اذا مرة ع التلفون وكانت النمرة غلط يا لطيف
عينك لا تشوف الا النور

**اللحن الحائر** · 20/07/2008, 07:55 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

السلام عليكم

بس قبل ما احكي رايي بدي احكيلكم هالقصة صارت واحنا بالصف...كنا قاعدين بهدوووووووو ء

والا هالجوال بيرن.....ويا مصيبتها اللي حامليتوو..كانت صاحبيتي قاعدة جنبي وهي بتحكي بعقلها

يا الله رنة جوال المعلمة نفس رنة اختي

بس الصوت كان واضح انو من طاولتنا....وطول وهو يرن والكل هدوء حتى المعلمة...بعدين الا صاحبيتي بتفطن لحالها

والا هي زي المجنونة تفتح شنتتها وتطول الجوال مسخمة ويطلع بشنتتها

اعطته للمعلمة وحكتلها والله العظيم هاي الشنته لاختي

وانا اليوم اخذتها منها وناسية الجوال

وانا احكي للمعلمة اه والله البنت عمرها ما جابت جوال لانو ممنوع

واخر شي المعلمة حكتلها خلص ما رح احكي للمديرة بس رح اخلي معاي لنهاية الدوام وبعدين بعطيكي اياه

والمهم مضت الشغلة على خير وكانت المعلمة كويسة

بندخل للموضوع ...هو انا بصراحة ما بايد الجوال بالمدرسة وحتى بلاحظ انو بالاغلب ممنوع ...خاصة للبنات

لانو المدرسة بالعادة قريبة وما في خوف عالبنت وليش تحمل جوال ووووووو

بس لبنت الجامعة بعتقد ضروري خاصة انها ممكن تتاخر او يصيرلها اشي

وتقبلو مرورييييييي

**القدس اسلامية** · 20/07/2008, 07:56 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

المشاركة الأصلية بواسطة دموع اليأس

بتقدري تعملي اشي لتغيري من افكارو وعاداتو وتقاليدو لهالمجتمع؟؟

اكيد ما بقدر اغيره
بس بقدر اغير الناس الحولية

وبقدر اني انا ما اتبع هيك مجتمع بيفرق بين البنت والولد

انا عندي الولد سعره بسعر البنت

**حــمـــ } بنت { ــــاس** · 20/07/2008, 08:00 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

اكيد ما بقدر اغيره
بس بقدر اغير الناس الحولية

وبقدر اني انا ما اتبع هيك مجتمع بيفرق بين البنت والولد

انا عندي الولد سعره بسعر البنت

اكيييييد لازم
واللي بفرق بين البنت والشب انا بكرهووووووو
بالبيت الحمد لله مساويين كتير وما في تفرقة حتى انا متدللة اكتر من الاولاد

ونحنا بالتأكيد بنقدر نغير وبنبدا ع مستوى العائلة

**أحباب الله** · 20/07/2008, 08:00 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

اسمعوا
يوم من الايام كنت بتصل على رقم اختي
طبعا هو مخزن عندي بس عشان انا حافضوا ومستعجل قمت كتبته كتوبه
المهم رن رن رن رن رن ردت

الووووووووووووو
وينك وييييييينك وييييييييييييييييييييييييييينك

صرلي ساعه ملطوع في الشارع
والشمس سطلتني

شوووووووووووو انتي مش حكتلك خمس دقايق بنكون في المكان الفلاني

ولييييييييييييييييييييييييش لهلاء ما اجيتي
اه لييييييييييييييييش

ونحسوبكم عامل حاله رجال على اخته الاكبر منه

المهم سكت وما ردت
حكيت وما بتردي كمان
مهو ما ضل الك وجه تردي
يلا يلا اعترفي بغلط وغلصيني تعالي هيني بستنى بحضرتك

هلااء وانا بحكي في الموبايل الا اختي ورايه وبتحكيلي ولك عمين بتصرخ ومع مين بتحكي؟؟؟

بصراحه تلبكت وما عرفتش واحكي

المهم الا هي البنت يلي بحكي معاها على الموبايل بتحكيلي خلصت؟؟

حكتلها انا اسف والله غلطان بالنمره شكلي
حكتلي بعد شو بعد ما مسحت بكرامتي بالارض

حكتلها والله اسف وحقك عليا
والله اني بحسبك اختي وهيها اختي جمبي وبصراحه مصدوم ومش عارف شو احكيلك

واذا مو مصدقاني خدي هي اختي
حكتلي كلمه عمري ما راح انساها

حكتلي ولا بدي احكي معاها ولا شي
بس ما بحكي الا الله يشفيك ويكبر عقلك

كان الي خاطر اكسر الموبايل على راس اختي هداك اليوم

**مؤرخة** · 20/07/2008, 08:05 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

والله يعني هدا الموضوع بصراحة مهم جدا

أولا: لكل شيء سلبيات وايجابيات

وكل انسان بعكس بتصرفاته الطريقة اللي تربى عليها

فلا مانع ان ترد البنت على اتصال ضروري وكانت بالشارع ، ولكن ترد بطريقة مختصرة وما تحاول انها تلفت الناس الها راح يكون شيء طبيعي وغير ملفت للنظر

مثلا كتير طالبات الجامعة يحتاجن الجوال لأشياء ضرورية ، مثلا الاتصال ببعض الزميلات أثناء وجودهن بالجامعة ، أو الاتصال بالأهل إذا كن سيتأخرن عن الحضور للمنزل

أما طالبات المدرسة فأعتقد غير ضروري احضار الهاتف الجوال معهن ، وقد يكون مهما لهن في وجود بعض الامور التي تتطلب وجوده معهن، والأغلبفي رأي أنه لا داعي له .

يعني لا نقدر أن نجزم جزما قاطعا بهذا الأمر لأن لكل شيء سلبيات وإيجابيات ويرجع الأمر للأخلاقيات وحسن التربية وعدم تخطي الحدود المسموح بها في التعامل مع الاخرين

**محمد** · 20/07/2008, 10:14 PM

رد : :: شو رأيكم بالبنات الي بياخدو معهم جوال على المدرسة؟؟؟!!!...

[align=justify]الموضوع مهم دون أدنى شك .! لكن " التهريج " الذي حدث هنا لا يمكن القبول به .! للحظة تصورت نفسي في سيرك أو أشاهد مسرحية كوميدية .! احترموا انفسكم في المرة القادمة واحترموا المكان الذي تكتبون فيه .! وعندما تفكرون في الحديث بشكل عقلاني بعيداً عن مراهقات المسترجلين، يمكننا ان نسمح لكم بإدارة الحديث بأنفسكم .!

تحية للطيبين فقط .![/align]