نازل ولا متنازل

[بهائي راغب شراب]

نازل ولا متنازل

بهائي راغب شراب
25/9/2013

نازل ولا متنازل
جاوبوني ، طمنوني،
من اسكندرية لأسواني.
من رفح للعريش للسلوم ومن صعيدنا الجواني
من البحيرة والمنوفية وبني سويف ونجع حمادي
من كل شبر في مصر
ردوا الجواب يا رجالة ونسواني..

انا نازل يا اخواني
لا يمكن اتنازل
عن حقي، وحق اصحابي
عن تاري ، وتار احبابي
انا نازل
علشان مصر ترجع جنة
زي ما عرفناها،
زي ما عشناها،
ترجع كلمة غالية كبرت في وجدانا،

ايوه نازل
ومعايا اولادي
يللا يا محمد
نادي اخوك احمد
اخوك محمود الشهيد بينادي
قوم صلي
ومن مسجدك اطلع في المسيرة واتقدم
دمك مش أغلى من دم اصحابك

وانت يا عادل
يللا معايا
مترجعش من المدرسة على امك
مش حتلاقيها تستنى
لأنها طالعة معايا
اليوم وكل يوم
ويوم ستة اكتوبر
طالعين مع شعبنا المظلوم
علشان نعبر بالبلد
للنصر والعزة
علشان نغير الطغمة اللى حكمتنا
غصب عنا في يوم اسود.
ونشيلها
علشان نرجع الحرية لبيوت ربنا
تفتح ابوابها للمؤمنين
من الصبح للضلمة
للي بيدوروا على متر طاهر يصلوا فيه
ويريحوا ارواحهم
بدون خوف من عيون شرطتنا

قوموا يا ولادي
نروح كلنا
نِرْجعْ لرابعة ونبني نهضتنا
دي مصر حلوة
وتستاهل نفديها بدمنا العاشق الأحمر.

مصر مستقبلنا
لكن بدون طغمة العسكر الخاينة
اللى باعتنا رخيص لأعدائنا
باعتنا رخيص جدا
للي يسوى وما يسوى
باعونا واحنا عايشين
لسا ما متنا
لسة فينا الروح
بنتألم
وبنادي
يا رب خليك معنا

يوم 6 اكتوبر جاي
يوم للنصر على العسكر الفاسدة
يوم للعودة والفرحة
يوم يرجع فيه الحق لأصحابه
اللي حفظوا الأمانة
وما فرطوا من النيل بلتر ميه.

وكلنا بنتذكر يوم 6 اكتوبر
منسيناش أبدا
يوم ما جيشنا الحر عبر سينا وحررها
من ايدين اليهود اعدائنا
ما هَمِنا بارليف
ولا هَمِنا جسر السلاح من امريكيا
ينزل في الميدان ينقذ جيش الدفاع الكذبة.

جنودنا يومها كانوا شرفا
كانوا ولاد مصر وهِمِتْها
كانوا الحلم والمستقبل
عمرهم ما كانوا طغمة في الفساد عايمة

كلنا نازلين
يا اهل مصر
كلنا يللا
الأرض بتوسعنا
الميادين بتستعجلنا
والقمح بينادي ازرعوني
علشان يلاقي الفقير لقمة

مصر غالية
دمنا فداها
ما يغلى عليها
لا اموالنا ولا اولادنا
هي مَرَّة
بس مَرَّة
نقوم مَرَّة واحدة
هبة واحدة
ما نستنى الطغمة اللي شقَّت صفنا
تفتح لنا الجنة
ازاي وهم ما يعرفوش
الا يولعوا النار
ويفتحوا جهنم.
اوعوا تستنوا
شمروا سواعدكم
اتوضوا
وحَضِّروا النِيّة
مصر لازم نرجعها
جنة خضرة لولادها العِتْرة.

ايوه نازل
مش حخاف تاني
خلاص الخوف خرج من قلبي
رميته على اعدائنا
ومش مسموحلكوا يا ناس تخافوا
الانقلاب بيراهن على خوفنا
ورّوه عينيكم الحمرا
واضربوه على راسه
بالجزمة
علشان يعرف ان حياتنا
مش لعبة يلعبها
يحبس ولادنا ويقتلنا
وييجي على بيوتنا يقلَّبها
ويكشف الستر عن وجوه ستاتنا
ويسرق الحاجات منها.

قولولوا ..
الشعب يا بعيد ما بقاش لعبة
الشعب مابقاش لعبة
ما بقاش لعبة.
لأنه من الأول عمره ما كان لعبة.
بس كان صابر على جرايمكم
يمكن ..
تِرْجَعْلُكوا الصَحْوَة
واتوبوا
قبل التوبة ما تنحبس في السما عنكم.
*

[بهائي راغب شراب]

لقد فشلت كل الدعوات للثورة في السنين السابقة
فهل تختلف هذه المرة وتندلع الثورة
نعم لم لا
الأمل حي وحياة للقلوب
واليأس موت تام للمستقبل
لم لا تقوم الثورة
لا شيء يمنع قيامها
فقط
يقرر الشعب وبإرادة شجاعة وبعزيمة الرجال الأحرار وبخوف المظلومين وقهرهم
الثورة تقوم وتنتصر
و #يا_رب_ثورة