طريقة كالاتي
حسب المقدار التالي وبعدها انت بتقرر كيف الكمية
انا سويت المقدار التالي :
المقدير :
3 مج برغل اثنين خشن و1 ناعم
3 مج اسميد
3 معالق قرفة
1 مج سكر
حبة جوز الطيب مبشورة
2 باكيت بي كمبودر
2 باكيت فانيلا
1 مج حليب مدوب
عين جمل او فستق للحشوة الي بتشوفو مناسب
الطريقة :
اولا : بتنقع البرغل بمي سخنة لمدة ساعة لحتي يتفتح
ثانيا : بتنقع السميد في مج ونص سيرج مخلوط في سمنة يكون دافي
بتجيب المج والنص وبتحطهم علي السميد وتتركوا ساعه
يعني البرغل في مي سخنة مش دافية وثاني السميد سيرج مع سمنة
وبعد ما يخلص هي المرحلة النقع لمدة ساعة
وبعدها بتجيب جاط وبتخلط السميد مع البرغل وبتحط القرفة والجوز الطيب
مع سكر مع الفانيلا والبي كمبودر وبس يعطي لون القرفة
تشوف غلب لون السميد والبرغل بتحط مج الحليب بهدوء
يعني بدير شوي شوي لحتي تشوف الخليط اتجانس مع بعض
يمكن ياخد اقل او اكثر حليب المهم تشوف الخليط تجانس واهم شي يا طيب
ما يكون الخليط في مي الحليب كثير المهم الخليط يتجانس
وبعدها بتجيب صدر مناسب وبتدهنه طحنية وبتحط الخليط
طبعا المكسرات بتحطها جوا الخليط وبعدها
بدخلو الفرن فوق 20 دقيقة وتحت 10 دقايق عبال ما يتحمر
والقطر انت بتشوف كيف قديش بده قطر
لكن القطر معروف كل كاستين سكر كاسة مي
وبعد ما يغلي عصرة ليمون
ادعو لليث دعوة محب
تعليق